Ráðgjafarfyrirtækið Moelis & Company hefur að tilstuðlan slitastjórnar Glitnis gert ítarlega greiningu á viðskiptum með kröfur á Glitni hf. frá bankahruni 2008 til september 2013.

• Samkvæmt könnun Moelis hefur markaður með kröfur verið mjög virkur. Engu að síður eiga upprunalegir kröfuhafar í Glitni, sem ekki hafa selt sínar kröfur, samtals 29% krafna að verðmæti á kröfuskrá um þessar mundir. (Þessir kröfuhafar eru 93% af fjölda á kröfuskránni). Þar er um að ræða einstaklinga sem fjárfestu í skuldabréfum Glitnis fyrir fall bankans, íslenskar ríkisstofnanir, banka, íslenska lífeyrissjóði, fyrirtæki og aðra fagfjárfesta. Þessir kröfuhafar munu sennilega tapa bróðurpartinum af nafnvirði sinna krafna.
• Könnunin leiðir í ljós að 71% krafna að virði til eru um þessar mundir í eigu kröfuhafa sem hafa eignast þær eftir fall bankans (Um 7 % af fjölda skráðra kröfuhafa).

Slitastjórn Glitnis hefur samið við John Eatwell prófessor um að hann leggi mat á þjóðhagslegar stærðir og efnahagsskýrslur sem tengjast íslenska hagkerfinu. Verkefni hans verður að greina þjóðhagsleg áhrif ýmissa málefna sem hafa þýðingu fyrir endurskipulagningu þrotabús Glitnis hf. með nauðasamningum og önnur þrotabú íslenskra fjármálastofnana.

Eatwell lávarður er forseti Queens’College við Cambridge háskóla í Bretlandi. Hann hefur kennt við Harvard háskóla og verið gistiprófessor við háskólana í Columbía fylki, Massachusettes háskólann í Amherst, háskólann í Amsterdam og Nýja Félagsvísindaskólann í New York.

Slitastjórn Glitnis leitast við að hámarka virði þrotabúsins og sala eigna hefur verið eitt af meginatriðum þeirrar stefnu. Þegar Glitnir tók við 95% af hlutabréfum Íslandsbanka í lok árs 2009 var því lýst opinberlega að hlutabréfaeignin yrði til sölu þegar fram liðu stundir og þess vænst að söluferlið gæti tekið 3 til 5 ár.

Slitastjórn Glitnis hf. hefur tilnefnt Jan Kvarnström sem umsækjanda í stöðu formanns stjórnar bankans eftir nauðasamninga. Tilnefningin er hluti af áætlun um mögulegt tilboð um nauðasamninga sem myndu binda endi á slitaferli Glitnis.

Ef tilboð um nauðasamninga verður samþykkt af fulltrúum hluthafa sem fara með meirihlutaeign í Glitni mun tilnefndur formaður, ásamt tilnefndum stjórnarmönnum, verða útnefndur í starfið á hluthafafundi sem haldinn verður síðar.Stjórnin sem þá yrði stofnuð myndi gegna lykilhlutverki í varðveislu og skilum verðmæta í hendur kröfuhafa.

Glitnir hf. og tólf lífeyrissjóðir ásamt undirsjóðum þeirra hafa náð samkomulagi um skuldauppgjör. Um er að ræða rammasamkomulag sem felur í sér að hver lífeyrissjóður um sig og Glitnir hf. munu gera upp kröfur sem aðilar eiga hvor á annan með sambærilegum hætti.

Slitastjórn Glitnis hf. tilkynnir hér með að greiðslur til forgangskröfuhafa Glitnis fara fram föstudaginn 16. mars 2012. Á kröfuhafafundi sem haldinn var 31. janúar 2012, kynnti slitastjórn Glitnis tillögu um greiðslur til forgangskröfuhafa, þar sem farið var yfir eftirfarandi þætti:

• forsendur sem yrðu lagðar til grundvallar við greiðslu til forgangskröfuhafa í íslenskum krónum, evrum, bandaríkjadölum, sterlingspundum og norskum krónum (þ.m.t. hvernig hlutfall hverrar myntar er ákvarðað),
• gengið sem notað verður við reikning greiðslna í erlendum gjaldmiðlum úr íslenskum krónum,
• fyrirkomulag greiðslna vegna forgangskrafna, sem ágreiningur er um, inn á geymslureikninga þar til úrlausn um kröfuna liggur fyrir, og
• skilyrðin fyrir greiðslum til kröfuhafa, sem eiga óumdeildar forgangskröfur, þ.m.t. skilyrði um að kröfuhafar skuldbindi sig gagnvart Glitni að endurgreiða mögulegar ofgreiddar fjárhæðir.  

Samkvæmt lögum um gjaldþrotaskipti ofl. áttu kröfuhafar Glitnis þess kost að mótmæla fyrirhugaðri greiðslutilhögun. Nokkur mótmæli bárust en hafa nú verið leyst eða dregin til baka.  Því eru skilyrði þess að greiðsla geti farið fram uppfyllt.

Boðað hefur verið til skiptafundar með kröfuhöfum Glitnis hf. kt. 550500-3530, Sóltúni 26, Reykjavík þriðjudaginn 31. janúar 2012 kl. 10.00 árdegis á Grand Hótel Reykjavík, Sigtúni 38, Reykjavík. Boðað var til þessa fundar við lok síðasta kröfuhafafundar sem haldinn var 31. ágúst 2011.

Glitnir hf. hefur gert samkomulag við Árkaup hf. eiganda Lyfju hf. um fjárhagslega endurskipulagningu Lyfju með fyrirvara um samþykki samkeppnisyfirvalda. Með þessari aðgerð er starfsemi Lyfju tryggð og skuldir aðlagaðar greiðsluþoli fyrirtækisins.

Frá og með 1. janúar 2012 tók slitastjórn Glitnis formlega við öllum verkefnum skilanefndar bankans og hefur skilanefndin látið af störfum. Þetta er í samræmi við breytingu á lögum um fjármálafyrirtæki nr.161/2002 sem samþykkt var á Alþingi í júní 2011 með lögum nr. 78/2011. Frá setningu laganna var unnið að því að færa verkefni frá skilanefnd til slitastjórnar þannig að skipulagsbreytingin gæti átt sér stað um áramót 2011/2012 án þess að valda truflun á starfsemi Glitnis. Þessi breyting gekk greiðlega og er nú að fullu lokið. Á þessum tímamótum er meðlimum skilanefndar Glitnis þökkuð vel unnin störf í þágu bankans á miklum umbrotatímum undanfarin rúm þrjú ár.

Glitnir og Seðlabanki Lúxemborgar (BCL) gáfu út sameiginlega yfirlýsingu í dag um að búið sé að greiða að fullu eftirstöðvar skulda Glitnis við BCL.  Með því er mikilvægum áfanga náð í endurskipulagningu dótturfélags Glitnis í Lúxemborg.